اشراقات صباحية

ياتلميذنا العزيز،💕💕
عارفين إنو القراية مرات بتكون تقيلة، والكتب كتيرة، والواجبات بتضغط، لكن صدقوني، التعب البتبذلوه اليوم هو السلم البتطلعوا به بكرة. كل صفحة بتقروها، كل معلومة بتحفظوها، هي لبنة في بناء مستقبلكم البتنادوا به بعدين بكل فخر.

الدنيا ما بتهدي النجاح لأي زول، النجاح دا داير سعي واجتهاد واستمرار. وما شرط تكون الأول عشان تكون ناجح، المهم إنك تكون أحسن من نفسك أمس. القراية ما بس عشان تمتحن وتجيب درجات، دي عشان تفهم الحياة، وتكون زول فاهم، واعي، وبتعرف تختار الطريق الصح.

وقت تحس بالتعب، أدي نفسك دقيقة تتذكر فيها حلمك الكبير... تتخيل يوم تفرح به أهلك، يوم تمسك شهادتك، وتقول: "أنا تعبت… لكن قدرت."
إنتو قدّها، وكل خطوة بتمشوها بتقربكم للهدف أكتر.

شدوا حيلكم، وخلو عزيمتكم دايمًا قدامكم، لأنو المستقبل مستني الناس البتتعب عشانه.